Sanadhalayam, a cancer care center in Kumarapuram, Thiruvananthapuram, that brings comfort to children and families battling cancer, is deeply grieving following the unexpected passing of two-year-old Kalluvava. Run by RJ Firoz and RJ Sumi, the institution and its residents are completely heartbroken. Kalluvava, whose real name is Adharv, had been battling stage 4 cancer and staying at Sanadhalayam for the past 11 months with his family, who hail from Mulloor, Kovalam. Despite a massive public fundraising campaign led by RJ Sumi and RJ Firoz to raise funds for his expensive foreign immunotherapy treatment, the young boy unfortunately passed away, leaving his caregivers, family, and well-wishers in immense sorrow.
കാസർകോട് മുതൽ തിരുവനന്തപുരം വരെയുള്ള നിരവധി അർബുദബാധിതരായ കുരുന്നുകൾക്കും അവരുടെ കുടുംബങ്ങൾക്കും വലിയൊരു ആശ്വാസകേന്ദ്രമാണ് തിരുവനന്തപുരം കുമാരപുരത്ത് പ്രവർത്തിക്കുന്ന ‘സനാഥാലയം’ എന്ന ക്യാൻ കെയർ സെന്റർ. എന്നാൽ ഇപ്പോൾ സനാഥാലയവും അവിടുത്തെ നടത്തിപ്പുകാരായ ആർജെ ഫിറോസും ആർജെ സുമിയും കടുത്ത ദുഃഖത്തിലുമാണ്. സനാഥാലയത്തിൽ ഏറെ സ്നേഹവും ചിരിയും നിറച്ചിരുന്ന രണ്ട് വയസ്സുകാരൻ ‘കല്ലുവാവ’ എന്ന അർധർവിന്റെ അപ്രതീക്ഷിത വേർപാടാണ് എല്ലാവരെയും കണ്ണീരിലാഴ്ത്തിയത്.
ഏതാനും മാസങ്ങൾക്ക് മുമ്പാണ് കോവളം മുള്ളൂർ സ്വദേശികളായ കൂലിപ്പണിക്കാരായ മാതാപിതാക്കളുടെ മകനായ കല്ലുവിന്റെ ചികിത്സയ്ക്കായി ആർജെ സുമിയും ഫിറോസും സഹായം അഭ്യർത്ഥിച്ച് രംഗത്തെത്തിയത്. കാൻസർ നാലാം ഘട്ടത്തിലായിരുന്ന കല്ലുവിനെ രക്ഷിക്കാൻ വിദേശത്തുനിന്നും എത്തിക്കേണ്ട മരുന്നിനായി വലിയൊരു തുക ആവശ്യമായിരുന്നു. മാതാപിതാക്കൾ സ്വന്തം നിലയിൽ ലക്ഷങ്ങൾ സമാഹരിച്ചെങ്കിലും ബാക്കി തുക കണ്ടെത്താൻ കഴിയാത്ത അവസ്ഥയിലാണ് സനാഥാലയത്തിന്റെ സഹായം തേടിയെത്തിയത്. തുടർന്ന് കഴിഞ്ഞ 11 മാസമായി കുടുംബത്തോടൊപ്പം സനാഥാലയത്തിലായിരുന്നു കല്ലുവിന്റെ താമസമും ചികിത്സയും.
എന്നാൽ എല്ലാ ചികിത്സകളെയും പ്രാർത്ഥനകളെയും വിഫലമാക്കി കല്ലുവാവ വേദനകളില്ലാത്ത ലോകത്തേക്ക് യാത്രയായി. സുമിയെ ‘സുമിയാന്റി’ എന്ന് സ്നേഹത്തോടെ വിളിക്കുന്നതും, കാറിൽ കറങ്ങാൻ പോകാമെന്ന് പറയുന്നതും, കവിളിൽ ഉമ്മ നൽകുന്നതുമായ കല്ലുവിന്റെ പഴയ വീഡിയോകൾ കാണികളുടെയും പ്രിയപ്പെട്ടവരുടെയും നെഞ്ചുപൊള്ളിക്കുന്നതാണ്. “തികയാത്തവർക്ക് എടുക്കാം, തികയുന്നവർക്ക് നൽകാം” എന്ന ഉദാത്തമായ മാതൃകയിൽ പ്രവർത്തിക്കുന്ന സനാഥാലയത്തിന് കല്ലുവിന്റെ വേർപാട് താങ്ങാനാകാത്ത വലിയൊരു നഷ്ടമാണ് സമ്മാനിച്ചിരിക്കുന്നത്.
