Finger and joint stiffness

Finger and joint stiffness, swelling, and severe pain—making it difficult to fully bend the fingers or toes—are common issues that many people experience. Often, individuals might try applying various oils for temporary relief, but persistent pain without improvement usually necessitates a proper medical evaluation. Understanding the underlying causes, diagnostic tests, and effective management strategies is essential for finding lasting relief from joint discomfort.

നമ്മുടെ കൈ വിരലുകളിലും അതുപോലെതന്നെ കാലിന്റെ വിരലുകളിലും ഒക്കെ ആയിട്ട് നമ്മുടെ ഈ ചെറു ജോയിൻറുകൾ തടിച്ച് പൊങ്ങി വീർത്ത് വരുന്ന രീതിയിൽ കാണാറുണ്ട്. ആ ഭാഗത്തായിട്ട് നമുക്ക് ശക്തമായിട്ടുള്ള നീർക്കെട്ടും മടക്കാൻ ആയിട്ട് പറ്റാത്തത് പോലുള്ള അതിശക്തമായിട്ടുള്ള വേദനയും അനുഭവപ്പെടുകയും കൈ ഇങ്ങനെ വീങ്ങി വീങ്ങി വരുന്നത് പോലെയൊക്കെ അനുഭവപ്പെടുന്ന ഒരുപാട് പേരെ നമുക്ക് ചുറ്റും കാണാനായിട്ട് പറ്റും. സത്യത്തിൽ ഇത് എന്തുകൊണ്ടാണ് നമ്മുടെ കയ്യിൽ വരുന്നത്? പലപ്പോഴും നമ്മൾ ഏതെങ്കിലും ഒരു എണ്ണയോ കാര്യങ്ങളോ ഒക്കെ നമ്മുടെ കയ്യിൽ വാങ്ങി ഒന്ന് പുരട്ടി ഒക്കെ നോക്കും. പക്ഷേ അങ്ങനെ ചെയ്ത് കുറെ ദിവസം കഴിയുമ്പോഴും വേദനയ്ക്ക് യാതൊരുവിധ കുറവും ഇല്ലെന്ന് കാണുമ്പോഴായിരിക്കും നമ്മൾ ഒരു ഹോസ്പിറ്റലിലേക്ക് പോകുന്നത്.

പ്രധാന കാരണങ്ങൾ
റുമറ്റോയിഡ് ആർത്രൈറ്റിസ് (Rheumatoid Arthritis): പലരുടെയും വിചാരം ഇതൊരു സാധാരണ ഇൻഫെക്ഷൻ ആണെന്നാണ്. എന്നാൽ ഇത് നമ്മുടെ ശരീരത്തിന്റെ രോഗപ്രതിരോധശേഷി (ഇമ്മ്യൂണിറ്റി) ശരീരത്തിന് എതിരായി പ്രവർത്തിക്കുന്ന ഓട്ടോ ഇമ്മ്യൂൺ ഡിസീസിന്റെ ഗണത്തിൽ പെടുന്ന ഒന്നാണ്. ആർഎ ഫാക്ടർ (RA Factor) കൂടി നിൽക്കുന്ന ആളുകളുടെ കൈയുടെ വിരലുകളിൽ ഇതുപോലെ തടിച്ചു പൊങ്ങി വരുന്നതുപോലെ കാണാനായിട്ട് പറ്റും.

യൂറിക് ആസിഡ് വർദ്ധനവ്: ശരീരത്തിന് അകത്ത് യൂറിക് ആസിഡ് ക്രമാതീതമായിട്ട് കൂടുന്ന അവസ്ഥയാണിത്. രക്തത്തിൽ യൂറിക് ആസിഡിന്റെ അളവ് കൂടുമ്പോൾ ചെറു ജോയിന്റുകളിൽ ഇത് കൂടുതലായിട്ട് ഡെപ്പോസിറ്റ് ചെയ്യുകയും, തുടർന്ന് ഇൻഫ്ലമേഷൻ ക്രിയേറ്റ് ചെയ്ത് വിരലുകൾ തടിച്ചു പൊങ്ങി വരികയും ചെയ്യും.

ഓസ്റ്റിയോ ആർത്രൈറ്റിസ് (Osteoarthritis): സന്ധികളിലും ചെറു ജോയിന്റുകളിലും ഉണ്ടാകുന്ന തേയ്മാനത്തിന്റെ ഭാഗമായി ജോയിന്റിന്റെ എൻഡ് ഭാഗത്ത് ഉരവുകൾ സംഭവിക്കുകയും, നീർക്കെട്ടും ശക്തമായ വേദനയും ഉണ്ടാകുകയും ചെയ്യാം.

ട്രിഗർ ഫിംഗർ (Trigger Finger): ഫ്ലെക്സർ ടെൻഡൻ ഷീറ്റിന്റെ ഉള്ളിൽ ഉണ്ടാകുന്ന ഇൻഫ്ലമേഷൻ കാരണം, കൈ മടക്കുമ്പോൾ വിരൽ ഒരു നൊഡ്യൂൾ പോലെ ഫോം ചെയ്ത് തെറിച്ച് ഉള്ളിലേക്ക് പോകുന്ന അവസ്ഥയാണിത്. ഇത് ശക്തമായ വീക്കത്തിനും വേദനയ്ക്കും കാരണമാകുന്നു.

സെപ്റ്റിക് ആർത്രൈറ്റിസ് (Septic Arthritis): ചെറുജോയിന്റുകളിൽ എന്തെങ്കിലും തരത്തിലുള്ള ഇടികൾ ഏൽക്കുകയോ ഇൻഫെക്ഷൻ വരികയോ ചെയ്യുമ്പോൾ നീര് വന്ന് തടിച്ചു വീർക്കുന്ന അവസ്ഥയാണിത്.

പരിശോധനകൾ
ആർഎ ഫാക്ടർ (RA Factor) ടെസ്റ്റ്

യൂറിക് ആസിഡ് പരിശോധന

സി.ആർ.പി (CRP), ഇ.എസ്.ആർ (ESR) പരിശോധനകൾ

ആന്റി-സി.സി.പി (Anti-CCP) ടെസ്റ്റ്

ആവശ്യമെങ്കിൽ എക്സ്-റേ അല്ലെങ്കിൽ അൾട്രാസൗണ്ട് സ്കാൻ (USG)

പ്രതിരോധവും ചികിത്സയും
തുടക്കത്തിൽ ചെയ്യേണ്ടത്: വേദനയുള്ള വിരലുകൾക്ക് അമിതമായി ബലം കൊടുക്കാതിരിക്കുക. ഐസ് പാക്ക് വെക്കുന്നത് തുടക്കത്തിലുള്ള ഇൻഫ്ലമേഷൻ കുറയ്ക്കാൻ സഹായിക്കും.

റുമറ്റോയിഡ് ആർത്രൈറ്റിസ് ആണെങ്കിൽ: ഈ അവസ്ഥയിൽ തൈലങ്ങൾ തേക്കുന്നത് വേദന കൂട്ടാൻ സാധ്യതയുണ്ട്. മണൽകിഴി (ആറ്റിമണലും കല്ലുപ്പും വറുത്തു കെട്ടിയത്) ചൂടാക്കി വെക്കുന്നതും നാഗരാധി ലേപം പുരട്ടുന്നതും നീർക്കെട്ട് കുറയ്ക്കാൻ നല്ലതാണ്.

ഓസ്റ്റിയോ ആർത്രൈറ്റിസ് ആണെങ്കിൽ: മുരിങ്ങയിലയും കല്ലുപ്പും ചേർത്ത് വറുത്ത് കിഴികെട്ടി ഒപ്പുന്നതും മുറുവെണ്ണ, കൊട്ടൻചുക്കാതി, കർപ്പൂരാതി എന്നിവ സമം ചേർത്ത് പുരട്ടുന്നതും ആശ്വാസം നൽകും.

യൂറിക് ആസിഡ് പ്രശ്നമാണെങ്കിൽ: ഡോക്ടറെ കണ്ട് മരുന്നുകൾ കഴിക്കുന്നതിനോടൊപ്പം റെഡ് മീറ്റ്, ഉഴുന്ന്, പയർ വർഗ്ഗങ്ങൾ, ബേക്കറി പലഹാരങ്ങൾ, ഫാസ്റ്റ് ഫുഡ്, ശീതളപാനീയങ്ങൾ, മധുരം എന്നിവ ഒഴിവാക്കുക.

വേദനകൾ തുടങ്ങി കഴിഞ്ഞാൽ സ്വയം ചികിത്സിച്ചു സമയം കളയാതെ എത്രയും പെട്ടെന്ന് ഒരു ഡോക്ടറെ കണ്ട് കൃത്യമായ പരിശോധനകളും ചികിത്സയും തേടുക.