29-year-old Akshara

A heart-wrenching loss has sent shockwaves after 29-year-old Akshara, an IT employee and Thrissur native, tragically lost her life near Kakkanad InfoPark in Kochi due to the reckless speeding and competition of private buses. Following the devastating accident, her grieving husband, Varun Sunil, shared an emotional open letter on social media expressing his deep agony and fondness for their time together. Notably, he pointed out a painful coincidence: the date she passed away, November 4th, marked exactly three years since he first viewed her matrimony profile on November 4, 2023. The incident has once again sparked widespread outrage over the recurring issue of rash private bus driving across Ernakulam’s roads.

അക്ഷരയ്ക്കൊപ്പം ജീവിച്ചുതീരാത്ത ഓർമ്മകളുമായി ഭർത്താവിന്റെ വിതുമ്പുന്ന കുറിപ്പ്; കാക്കനാട് സ്വകാര്യ ബസ് തട്ടി ഐടി ജീവനക്കാരി മരിച്ച സംഭവത്തിൽ കണ്ണീരണിഞ്ഞ് സോഷ്യൽ മീഡിയ

കാക്കനാട് ഇൻഫോപാർക്കിന് സമീപം സ്വകാര്യ ബസുകളുടെ അമിതവേഗതയും മത്സരയോട്ടവും കവർന്നത് 29 വയസ്സുകാരിയായ അക്ഷരയുടെ ജീവനാണ്. തൃശൂർ സ്വദേശിനിയും ഇൻഫോപാർക്കിലെ ഐടി ജീവനക്കാരിയുമായ എ. അക്ഷരയുടെ വേർപാടിൽ നെഞ്ചുലയ്ക്കുന്ന ഓർമ്മകൾ പങ്കുവെച്ചാണ് ഭർത്താവ് വരുൺ സുനിൽ സോഷ്യൽ മീഡിയയിൽ എത്തിയത്.

ദിനേനയുള്ള വ്യായാമത്തിന് ശേഷം ജിമ്മിൽ നിന്ന് മടങ്ങുന്നതിനിടെയാണ് ഇൻഫോപാർക്ക്-എറണാകുളം റൂട്ടിൽ സർവീസ് നടത്തുന്ന ‘മലയിൽ’ എന്ന സ്വകാര്യ ബസ് അക്ഷരയെ ഇടിച്ചുതെറിപ്പിച്ചത്. റോഡരികിൽ നിൽക്കുകയായിരുന്ന അക്ഷരയുടെ ശരീരത്തിലൂടെ ബസിന്റെ പിൻചക്രം കയറിയിറങ്ങുകയായിരുന്നു. വിറങ്ങലിച്ചുപോയ നാട്ടുകാരും സഹപ്രവർത്തകരും ചേര്‍ന്ന് ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

അക്ഷരയുടെ മരണത്തിന് പിന്നാലെ ഇരുവരും ഒന്നിച്ചുള്ള ആദ്യ ചിത്രത്തിനൊപ്പം ഒരു തുറന്ന കത്തിന്റെ രൂപത്തിലാണ് വരുൺ തന്റെ വേദന എഴുതിവെച്ചത്. വേദനാജനകമായ ഒരു യാദൃശ്ചികത ചൂണ്ടിക്കാട്ടിയാണ് പോസ്റ്റ് ആരംഭിക്കുന്നത്. 2023 നവംബർ 4-നാണ് വരുൺ ആദ്യമായി അക്ഷരയുടെ മാട്രിമോണി പ്രൊഫൈൽ കാണുന്നത്. കൃത്യം മൂന്ന് വർഷം തികയുന്ന അതേ നവംബർ 4-ന് തന്നെ അക്ഷര ഈ ലോകത്തോട് വിടപറഞ്ഞു എന്നത് മുൻകൂട്ടി നിശ്ചയിച്ച ഒരു വിധിപോലെ തോന്നുന്നുവെന്ന് വരുൺ കുറിച്ചു.

അവളുമൊത്ത് ചിലവഴിച്ച മനോഹരമായ നിമിഷങ്ങൾ ഇനി ഒരിക്കലും തിരികെ കിട്ടില്ലെന്ന യാഥാർത്ഥ്യം താങ്ങാനാകുന്നില്ലെന്ന് അദ്ദേഹം കുറിക്കുന്നു. സമാധാനമുള്ള ഒരിടത്തിരുന്ന് അവൾ ഈ കുറിപ്പ് വായിക്കുമെന്ന് കരുതാനാണ് തനിക്കിഷ്ടമെന്നും, അല്പനേരമെങ്കിലും സ്വപ്നത്തിൽ വന്ന് ആശ്വസിപ്പിക്കുമെന്ന പ്രതീക്ഷ പങ്കുവെച്ചുമാണ് കുറിപ്പ് അവസാനിക്കുന്നത്.

എറണാകുളത്തും സമീപപ്രദേശങ്ങളിലും സ്വകാര്യ ബസുകളുടെ അമിതവേഗതയും വഴിയോര യാത്രക്കാരെ ഭീതിയിലാഴ്ത്തുന്ന തരത്തിലുള്ള ഓട്ടപ്പാച്ചിലും നിത്യസംഭവമായി മാറുന്നതിനെതിരെ വലിയ പ്രതിഷേധമാണ് പ്രദേശവാസികളുടെയും സോഷ്യൽ മീഡിയയുടെയും ഭാഗത്തുനിന്ന് ഉയരുന്നത്.